APPARITION DE DEUX COMÈTES (1618)
Voici un texte rare, qui intéressera sûrement les astronomes. Il relate l’apparition de deux comètes dans le ciel de la ville de Ganges (Hérault), en 1618.
Des deux comettes quy aparurent en lannée 1618. Mémoyre que au moys de novembre, sur le milieu dudict moys, commensa à régner et se monstrer despuys environ une ou deux heures devant le jour jusques questoit jour clair et en la présent année mil six cens dix huict, une comette ou estoille chevellue questoit lestoille du matin appellé le lugard, laquelle avoyt une longue que chevellue, vizant vers le couchant, et dura jusques environ Nouel. Dieu nous face la grace que cella ne nous prédise aulcung malheur des fléaux ordinères de Dieu. Et a cousté, vers la main droicte devers le midy, y en avoyt une aultre, non quelle feust du tout si grand que laultre, et se monstra envyron ung moys, nestant si apparente que la grande, que dura comme dict est jusque près la fin de décembre, laquelle de jour a aultre, ou de nuict à aultre, se monstroit plustost qüe de commensement et faisoit plus de chemin vers le couchant.
Source: Archives Départementales de l’Hérault, II E 36/410, minutes du notaire de Ganges Antoine de Falgayroles (1544-1569), rubrique générale, à la fin du registre (non paginé) – cette note a dû être inscrite par une autre personne, probablement le notaire qui avait repris l’étude de Me Falgayroles.
Auteur de la transcription: Jean-Claude TOUREILLE jctou@arisitum.org
